Yun Akele Mein Use, Ehad-E-Wafa, Yaad Aaye,
Jaise Bande Ko, Museebat Mein, KHUDA Yaad Aaye …!
Jaise Bhatke Huwe, Punchi Ko, Nashaiman Apna,
Jaise Apno Ko, Bichhadne Pe, Dua Yaad Aaye …!!
Jaise Dhalti Hui, Shaamon Ko, Sawera Koyi,
Jaise Pinjre Mein, Parinde Ko, Fiza Yaad Aaye …!!!
Jaise Boodhe Ko, Khyaalaat Mein, Bachpan Apna,
Jaise Bachche Ko, Shararat Pe, Sazaa Yaad Aaye …!!!!
Jaise Ujadhi Hui, Basti Ko, Zamana Apna,
Jaise Toofan Ke, Thehrne Pe, Diya Yaad Aaye …!!!!!